عقب منعهم من دخول الملعب.. مشجعو المنصورة بعد الفوز على مالية كفر الزيات: جايين عشان بنحب النادي | بث مباشر
سادت حالة من الفرحة والسعادة بين لاعبي وجماهير نادي المنصورة الرياضي، مساء اليوم الأربعاء، وذلك بعد الفوز على فريق مالية كفر الزيات، وضمان الصعود إلى الدوري الممتاز.
مباراة مالية كفر الزيات والمنصورة
وقال أحد مشجعي نادي المنصورة الرياضي، إنه وصل إلى مدينة كفر الزيات قادما من محافظة الدقهلية في الصباح الباكر لحضور المباراة، لكنه فوجئ هو والكثير من الجماهير الأخرى بمنعهم من الدخول.
وأضاف: جايين من المنصورة مخصوص ومنمناش علشان نشجع.. جينا وكتبنا اسمنا في الورق بالبطايق وفي الآخر مدخلناش.. إزاي يمنعونا في ماتش مهم زي دا.. ومستنين خبر مهم.. لازم كل الناس تدخل وتشجع.. وإحنا والمالية أخوات وبنشجع الكورة الحلوة.. معانا ناس كبيرة سنها 65 سنة وتم منعها وجايين علشان بيحبوا النادي.
منع مرتضى منصور من دخول المباراة
فيما رفضت إدارة استاد مالية كفر الزيات، دخول مرتضى منصور، رئيس نادي الزمالك السابق، إلى ملعب مباراة مالية كفر الزيات والمنصورة، والتي جمعت الفريقين ضمن منافسات دوري القسم الثاني ب.
وكشف المستشار مرتضى منصور، عن غضبه من قرار منعه من الدخول لملعب المباراة، قائلًا: عيب عليكم وغلط اللي بتعملوه ده.. وأنا يشرفني إني أنتمي لمحافظة المنصورة، وأتمنى الفور لفريق المنصورة ويرجعوا منصورين، سواء في وجود مرتضى أو غير وجود مرتضى، إحنا مش عايزين نعمل مشكلة تؤثر على الولاد.
