بقالي سنتين مبتحركش.. معاناة مسنة طريحة الفراش بالأقصر: محتاجة أعمل عملية عشان أقف على رجلي | بث مباشر

معاناة تعيشها سيدة مسنة تدعى خديجة، مقيمة في محافظة الأقصر، والتي أُصيبت بانزلاق غضروفي منذ نحو عامين، مما أدى إلى تدهور حالتها وعدم قدرتها على الحركة بشكل طبيعي، حتى أصبحت طريحة الفراش.

استغاثة مسنة في الأقصر لعلاجها

وقالت السيدة خديجة إنها كانت تعاني من بعض المشاكل في الكلى، لذلك خضعت لأكثر من جلسة غسيل في الفترة الماضية، إلا أن حالتها تدهورت بشكل مفاجئ وفقدت قدرتها على الحركة.

وأضافت السيدة خديجة: فجأة ظهري وجعني ومبقتش قادرة أتحرك، روحت كشفت وحجزوني في المستشفى وقالوا إن عندي انزلاق غضروفي، الدكاترة قالوا لي لازم أعمل عملية عشان أرجع أقف على رجلي تاني، تكلفة العملية من سنتين كانت 40 ألف جنيه وأنا مش معايا فلوس، مقدرتش أعمل العملية وبقالي سنتين طريحة الفراش.

وأضافت السيدة خديجة أن زوجها متوفي منذ فترة ولا تملك مصدر دخل، لافتة إلى أنها في بعض الأحيان لا تستطيع أن توفر أبسط احتياجاتها مثل الطعام.

واختتمت حديثها: مليش مصدر دخل وساعات مش بلاقي فلوس آكل، نفسي أرجع أمشي على رجلي تاني وأشوف الدنيا، لو حاولت أقوم أقف مبقدرش وبقع على الأرض، كل أملي في الدنيا إني أعمل العملية عشان أخف وأقدر أشيل نفسي.