صاحب مخبز عن ضحايا الطريق الإقليمي: كل يوم كانوا بيشتروا من عندي.. والخبر نزل علينا كالصاعقة | بث مباشر

انتشر على مواقع التواصل الاجتماعي، خلال الساعات الماضية، مقطع فيديو يوثق آخر ظهور للفتيات اللائي لقين مصرعهم في حادث الطريق الإقليمي بـ المنوفية، خلال شرائهن  من أحد المخابز بمدينة منوف.

وقال صاحب مخبز ضحايا الطريق الإقليمي بالمنوفية، إن الفتيات كانوا يشترين منه يوميا ما يحتجنه، مضيفا: كانوا بيطلعوا كل يوم الساعة 6 الفجر علشان يشتغلوا ويوفروا مصاريفهم؛ لإن حالة أهاليهم المادية صعبة جدا والبنات كانوا بيشتغلوا علشان يساعدوهم.

وتابع صاحب المخبز أن خبر الحادث وقع عليهم كالصاعقة، وأن جميع أهالي القرية في حالة صدمة حتى الآن، مضيفا: الكارثة الكبيرة إن كل البنات اللي اتوفوا قرايب، وكلهم أطفال أعمارهم ما بين 15 لـ 21 سنة.

واستكمل: كانوا بيطلعوا يشتغلوا علشان 130 جنيه بيصرفوا منهم 20 جنيه فطار غير أجرة العربية، وكانوا بيختاروا يركبوا عدد كبير في العربية علشان يقللوا الأجرة على نفسهم ويوفّروا.

وطالب صاحب المخبز بتوفير مشغل في القرية، كي يعمل في البنات بالقرية والشباب ولا يضطرون للسفر على الطريق لأماكن بعيدة.