دحيح الأقصر بعد امتحان اللغة الإنجليزية: الأسئلة من النماذج الاسترشادية.. ونفسيتي اتدمرت من تنمر الناس عليا | بث مباشر

كشف الطالب باسم، الشهير إعلاميًا بـ دحيح الأقصر، عن رأيه في امتحان مادة اللغة الأجنبية الأولى للثانوية العامة، عقب الانتهاء من أدائه اليوم ضمن امتحانات العام الدراسي الحالي 2024-2025.

رأي دحيح الأقصر في امتحان اللغة الإنجليزية

وقال دحيح الأقصر: امتحان الإنجليزي النهاردة كان كويس الحمد لله نشكر ربنا، وجه من النماذج الاسترشادية الخاصة بوزارة التربية والتعليم.

وأضاف دحيح الأقصر أن الوقت كان كافيًا للإجابة على جميع أسئلة امتحان اللغة الإنجليزية اليوم، لافتًا إلى أنه لم يواجه أي صعوبة في الامتحان.

وأكد دحيح الأقصر أن امتحان اللغة العربية كان يوجد به بعض الصعوبات، لذلك فهو كان يحتاج إلى المزيد من الوقت للإجابة عليه باستضافة.

واستكمل دحيح الأقصر: امتحان العربي كان طويل ومحتاج أكتر من 3 ساعات بالأمانة، وجزء النحو كان فيه أفكار محتاجة وقت أكتر، ومش عيب إنهم يحطوا أفكار في الامتحان بس طالما حطيتوا أفكار يبقى ناخد وقت أكتر عشان نقدر نجاوب.

وأوضح دحيح الأقصر أنه كان يبكي بشدة بعد أداء امتحان اللغة العربية؛ وذلك لأنه لم يتمكن من نقل جميع إجاباته في ورقة البابل شيت، معلقًا: الامتحان كان عبارة عن 51 سؤالا وأنا نقلت 21 سؤالا فقط في البابل شيت لأني ملحقتش بسبب ضيق الوقت.

وعلق باسم دحيح الأقصر على تنمر البعض عليه، قائلا: اتضايقت لما فيه بعض الناس اتريقوا عليا، ومنهم اللي شتموني بوالدتي الله يرحمها، وللأسف أنا نفسيتي اتدمرت وقعدت 4 أيام مش عارف أذاكر، ليه حد يعلق على شكلي ويقولوا ده منظر واحد في ثانوية عامة؟ وأنا مش مسامح أي حد غلط فيا.