خبطني وجري.. فتاة تستغيث من تهور سائق في العمرانية: قلبني من فوق الكوبري وعايزة حقي| بث مباشر
تعرضت فتاة تدعى مريم أشرف للدهس من سائق أعلى نزلة محور كمال عامر بمنطقة العمرانية في محافظة الجيزة، مناشدة بالقبض عليه وتقديمه للعدالة لعدم تكرار الحادث.
حادث دهس فتاة
وروت مريم أشرف تفاصيل الحادث قائلة: كنت راجعة من شغلي بعد العصر وماشية مع ناس كتير على نازلة محور كمال عامر.. وفجأة سمعت صوت صريخ وفرامل جامدة.. ولقيت ميكروباص بيفادي ست ماشية مع أولادها.. وبعدها خبطني وطيرني في الهواء ووقعت من فوق الكوبري ومحستش بحاجة.
وأضافت قائلة: لما بدأت أفوق وأفتح عنيا ومش قادرة أتحرك.. ولقيت بنت واحدة هي اللي بتحاول تساعدني والشباب وسواقين التوكتوك واقفين بيصوروا.. وبعدها البنت فضلت معايا وصرخت علشان يتصلوا على الإسعاف.
وتابعت: نقلوني المستشفى وفضلت فترة لحد ما أهلي جم ودخلوني العمليات.. وعندي كسور في كل جسمي ومش بقدر أتحرك.. وأصبحت قعيدة.
وناشد الجهات المعنية قائلة: عاوزه حقي والتعامل بقوة مع اللي بيمشي بعشوائية.. وكنت بدرس وهعمل الدكتوراه وبشتغل واصرف على نفسي ودلوقتي أصبحت قعيدة.
