الأحد 23 يونيو 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

نجل مسنة يرد على اتهامها له بضربها بالمنوفية: افترت عليا عشان منعتها تشحت وهي عندها فلوس في البنوك | بث مباشر

رد شخص يدعى أشرف محمدي، مقيم في قرية سنتريس التابعة إلى مركز أشمون بمحافظة المنوفية، على اتهامات والدته له بعدما زعمت أنه تعدى عليها بالضرب وسحلها وطردها من منزلها.

نجل مسنة يرد على اتهامها له بضربها في المنوفية

وقال أشرف محمدي: كل اللي قالته والدتي ده محصلش.. هي كانت قاعدة معايا هنا وبعدين مشيت عشان أنا منعت الناس اللي بيجيبوا ليها الشحاتة لحد البيت.. وقالتلي انت كده قطعت بيا السبول رغم إنها مش محتاجة مساعدات.

وأضاف أن والدته ادعت أنها ليس ليها مصدر دخل أساسي لتنفق منه على نفسها، وذلك على الرغم من حصولها على معاش والده الذي يقدر بـ 4100 جنيه.

وأوضح أشرف محمدي أنه لم يتعدى نهائيًا من قبل على والدته بالضرب مثلما اتهمته، معلقًا: عمري ما ضربت والدتي لأني عارف ربنا كويس وأعرف الصح من الغلط.. وكل اللي أنا عملته إني منعت الناس يدوها مساعدات عشان فيه غيرها أولى وهي مش محتاجة.

وأشار إلى أن والدته لديها أرصدة في البنوك وحالتها المادية ميسورة وليست متعسرة، بالإضافة إلى أنها سافرت لأداء مناسك العمرة 8 مرات من قبل، قائلًا: أمي بتقول للناس إنها مش معاها وهما معذورين وبيساعدوها.. رغم إنها معاها رصيد في البنوك وبتاخد معاش والدي.

واستكمل أشرف محمدي أن والدته ادعت أنها تعاني من بعض الأمراض وهذا ليس صحيحًا، مختتمًا: والدتي معندهاش أي مرض مزمن ولا سكر ولا ضغط وكل اللي عملته ده تمثيل.