نايم في الشارع.. مدير عام سابق مشرد في سراي القبة: مراتي خلعتني واستولت على فلوسي| بث مباشر
ينام كمال فرغلي، والذي كان يشغل منصبا رفيعا بإحدى الوزارات، أسفل إحدى العمارات في منطقة سراي القبة بمحافظة القاهرة، بعدما خلعته زوجته واستولت على كل أمواله وممتلكاته وتركته وحيدا.
استغاثة مسن
وروى كمال فرغلي، تفاصيل ما تعرض له، قائلا: كنت وكيل وزارة بالشباب والرياضة وسافرت شوية السعودية.. وكان معايا فلوس كتير وكنت لسه بايع شقة ومعايا فلوس المعاش.
وأضاف: كنت راجع البيت لقيت الكالون متغير وطليقتي بتقولي إنه مش بيتي.. وكسرت الباب صوتت واستدعت الشرطة وفوجئت بتعلن إنها خلعتني.. وبقالي 4 سنين في الشارع وجيت هنا وحد من الأهالي عطف عليا وبنام تحت عمارته.
وتابع: لما بقعد أفكر في كل حاجة كويسة لزوجتي وولادي بزعل من حجودهم معايا.. والدتي وإخواتي مكنوش موافقين بالزواج منها.. لأنها كانت فقيرة جدا هي وأهلها وقطعوني ومحضروش فرحي.. وقالولي دا هيكون مصيري.
