الثلاثاء 28 مايو 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

قصة كفاح سائقة سكوتر لتوصيل الفتيات بالإسكندرية: بسعى عشان أحقق حلمي.. والانتقادات متهمنيش| بث مباشر

قصة كفاح جديدة بطلتها فتاة تدعى هبة، مقيمة في محافظة الإسكندرية، والتي قررت أن تسعى على الرزق الحلال من خلالها عملها على دراجة نارية من أجل توصيل الفتيات.

قصة كفاح سائقة سكوتر في الإسكندرية

وقالت هبة إنها في بداية عملها كانت توصل طلبات للمنازل، ومع مرور الوقت فكرت أن تطور من نفسها في عملها.

وأضافت هبة: اشتريت عجلة واشتغلت بيها شوية وبعدين اشتريت سكوتر واشتغلت بيه.. وكانت كل فكرتي لما بدأت أعمل أوبر للبنات إني أحقق للبنات حاجة نفسهم فيها.. يعني أنا طول عمري كان نفسي أركب سكوتر أو موتوسيكل بس عندي رهبة إني أركب مع راجل.. وفيه بنات كتير زيي.

وأكدت هبة أنها تفضل قيادة الدراجة النارية عن السيارة لأنها ترى أنها أسهل منها بكثير، معلقة: طول عمري كان نفسي أسوق سكوتر أو موتوسيكل عشان كده قررت أشتغل عليهم عشان أوصل البنات.

وأوضحت أن والدتها وزوجها قدما الدعم اللازم لها وحرصا على تشجيعها في عملها لتوصيل الفتيات بواسطة دراجة نارية، قائلة: ماما وجوزي شجعوني رغم إن جوزي كان معترض في الأول بس قدرت أقنعه ووافقني على شغلي.

وأشارت هبة إلى أنها واجهت بعض الانتقادات بسبب عملها على دراجة نارية لتوصيل الفتيات، إلا أنها استطاعت أن تتخطاها ولم تقف عندها أبدًا، مختتمة: أنا هدفي أشجع البنات.. وفيه ناس انتقدوني وقالولي دي شغلانة رجالة ليه تشتغليها بس أنا مهتمتش بكلامهم.