الإثنين 17 يونيو 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

زوجة عصام صاصا لـ أسرة ضحية الدهس: الحادثة قضاء وقدر.. ما تعترضوش على أمر ربنا | بث مباشر

قالت زوجة مطرب المهرجانات عصام صاصا، في ستوري عبر حسابها على موقع تبادل الصور والفيديوهات إنستجرام، إن وقت وقوع الحادث كان زوجها عائدًا من عمله، لافتة إلى أنها كانت تستقل سيارة أخرى خلفه على الطريق الدائري أيضًا.

تصريحات زوجة عصام صاصا

وتابعت: عصام كان لسه مخلص شغله وأنا كنت وراه بردوا على الدائري بس مش معاه كنت في عربية تانية.. كنا رايحين نجيب ابننا رحيم عشان ندبح ونعمل العقيقة بتاعته.

وأضافت زوجة عصام صاصا: عصام وهو سايق لمح تيشرت وفجأة لقى الإزاز بيطير في وشه.. بعدها ركن ونزل جري على الراجل ولقى صاحب العربية الجيلي واقف.. وهو حاول يشوف الراجل لكن للأسف كان مات.. وبعدها طلب الإسعاف والشرطة وفضل واقف على ما وصلوا.

واستكملت: الناس اللي بتطلع تقول إن الحادثة حصلت الساعة 7 الصبح وإزاي عصام مشافش الراجل لأ محصلش الحادثة كانت الساعة 5:10 الفجر والدنيا كانت مضلمة.. والمكان اللي حصل فيه الحادثة مش مكان ممكن حد يعدي منه.

وأوضحت زوجة عصام صاصا: أخو المتوفي قال إن عصام خبط أخوه وهو واقف على الرصيف لما كان رايح شغله.. ولو ده حصل فعلًا كان الفانوس اليمين في العربية هو اللي هيبقى مخبوط مش الشمال.. حاجة واحدة بس تقول إن كلامهم صح لو عصام كان ماشي عكس وده طبعًا محصلش.

وواصلت: اللي يثبت إن كلامنا وكلام الشهود صح إن العربية كانت ماشية في طريقها عادي والراجل اتحدف من ناحية الشمال عشان كده الفانوس الشمال هو اللي اتكسر.

وقالت زوجة عصام صاصا: الله يكون في عون أسرة المتوفي بس أنا معرفش إزاي طلعوا يتكلموا في وقت الحادثة.. بس بردوا بقول إن الناس بتضحك على عقولهم في الوقت ده بأي حاجة لما يقولولهم تعالى هنجبلكوا حق ابنكوا بالإعدام.. إعدام ليه إحنا منعرفش اللي مات ده مين أصلًا.. دي حادثة قضاء وقدر ما تعترضوش على أمر ربنا.. والراجل كان هيتخبط من العربية الجيلي فهو حدف نفسه لقى عربية عصام.