رئيسة الأوبرا عن الخلاف مع محمد الحلو: إحنا مش متخاصمين.. وهيكون معانا في كل الاحتفالات | بث مباشر
قالت الدكتورة لمياء زايد، رئيسة دار الأوبرا المصرية، إنه لا توجد أي أزمات مع الفنان محمد الحلو، وذلك بخصوص أزمة حفل 100 سنة غنا، عندما طالب الحلو باعتذار عن الحفل الذي شارك فيه في فبراير الماضي مع الفنان علي الحجار.
أزمة الفنان محمد الحلو مع دار الأوبرا المصرية
وتابعت رئيسة دار الأوبرا المصرية: مافيش خلافات مع الفنان محمد الحلو.. وهيكون معانا الفترة المقبلة في كل الاحتفالات وإحنا مش متخاصمين ومحصلش أي خلاف.. وطبعًا أستاذ محمد الحلو معانا في كل المهرجانات وكل اللي جاي وإحنا مقدرين فنه العظيم.
ويُذكر أن الفنان محمد الحلو شارك أمس الإثنين، في إحياء حفل للموسيقار عمار الشريعي في دار الأوبرا المصرية، حيث قال: أنا النهاردة موجود عشان الحفلة لـ عمار الشريعي.. ومقدرش اتأخر عليه لأنه أخويا وزميل الكفاح.
وتطرق محمد الحلو للحديث عن سبب غيابه عن إحياء حفلات في دار الأوبرا المصرية، قائلًا: لما يصالحوني هاجي وأعمل حفلات كتير.. وأنا ضد فكرة الذكاء الاصطناعي مش فاهم يعني إيه حد ياخد صوتي ويحطه على فنان آخر ده تهريج.
وأوضح الفنان محمد الحلو أنه لا يوجد خلاف بينه وبين الفنان علي الحجار، ولكن الأزمة كانت مع المايسترو المسؤول عن الأوبرا.
