شاب من ذوي الهمم يعمل في صناعة الأحذية: اعتمدت على نفسي عشان ربنا يراضيني| بث مباشر
سجل شاب من ذوي الهمم يدعى أحمد شعبان، البالغ من العمر 35 عامًا، مقيم في محافظة كفر الشيخ، قصة جديدة للسعي على الرزق الحلال، إذ أنه لم يستسلم لظروفه بل قرر أن يتحداها، وسلك طريق البحث عن لقمة العيش، من خلال عمله في تصنيع وخياطة الأحذية.
قصة كفاح شاب من ذوي الهمم
وقال الشاب أحمد، إنه حصل على الشهادة الإعدادية ولم يستكمل مشواره في التعليم، ولكنه اتجه لتعلم كيفية تصنيع وخياطة الأحذية؛ حتى يفتح باب رزق له سعيًا على لقمة العيش الحلال.
وواصل: أنا مولود عندي إعاقة ومكملتش تعليمي، واخترت إني أتعلم صنعة عشان أشتغل وأصرف على نفسي.. فـ اتعلمت إزاي أخيط الأحذية وأعملها كمان، واشتغلت في أكتر من محل للأحذية وكنت بسافر عشان لقمة العيش.
واستكمل الشاب أحمد، أنه واجه بعض الصعوبات خلال بداية تعلمه مهنة صناعة وخياطة الأحذية، قائلًا: واجهتني بعض الصعوبات في الأول لأني مكنتش أعرف حاجة عن الصنعة دي، وكمان كان عندي مشكلة صحية وصوابع إيدي مكنتش بقدر أفردها بشكل كامل.
وألفت إلى أنه يبدأ عمله يوميًا من الساعة التاسعة صباحًا حتى أذان العشاء، مشيرًا إلى أنه قرر الاعتماد على نفسه وتمكن من التغلب على إعاقته وتحدى ظروفه، معلقًا: اعتمدت على نفسي عشان أشتغل واخدت أدوية وعالجت نفسي عشان أقدر أكمل، وربنا بيراضيني على قد مجهودي.
