بعد تبديلها ودفنها.. والدة جنى ضحية معدية أبو غالب تزور قبرها: كنت هتجنن عشانها ودلوقتي اتطمنت | بث مباشر

حرصت والدة جنى ضحية حادث معدية أبو غالب في محافظة الجيزة، على زيارة قبر ابنتها بعدما تبين أنه تم تبديل جثتها مع جثة فتاة أخرى من ضحايا الحادث تدعى ملك ودُفنت بالخطأ، وذلك بعد 4 أيام متواصلة من البحث عن الجثة في المياه.

جنى ضحية حادث معدية أبو غالب

وقالت والدة جنى ضحية معدية أبو غالب: الحمد الله أنا اتطمنت أول ما عرفت إن بنتي برا المياه من أول يوم.. كانت أول أو تاني واحدة تطلع مع بنت عمتها وكانوا ماسكين إيد بعض.. كان بقالي 4 أيام قاعدة قدام البحر هتجنن عشان تطلع بس محدش كان يعرف إنها خرجت من الأول.

وأضافت أنها اكتشفت تبديل جثة ابنتها ودفنها بدلًا من زميلتها ملك بعدما تفحصت صور الضحايا الذين تم انتشالهم من المياه، قائلة: لما ظهرت الصورة قولتلهم دي بنتي وعرفنا إنها اتبدلت لما جابولي الهدوم بتاعتها والتوكة اللي كانت في شعرها.. حتى الـ 20 جنيه المصروف اديتهالها الصبح لقيتها في جيب البنطلون.

وفي وقت سابق، قال عمدة قرية سنتريس التابعة إلى مركز أشمون في محافظة المنوفية، إن جثة الصغيرة جنى تبدلت بأخرى، حيث أن الأهالي دفنوا جثمان الصغيرة جنى بالخطأ باعتبار أنها جثة فتاة أخرى تدعى ملك.