قصة كفاح فتاة بالمنيا تحدت العادات وعملت سائقة تروسيكل: الشغل مش عيب.. وبحلم أدخل كلية التجارة| بث مباشر

تحدت الفتاة أسماء عزت إبراهيم العادات والتقاليد، من مركز ملوي في محافظة المنيا، وعملت سائقة تروسيكل، من أجل مساعدة والدها.

وقالت أسماء إنها عملت على التروسيكل عندما كان عمرها 11 عاما، وإنها تحدت العادات من أجل مساعدة والدها، مضيفة: أنا معملتش حاجة غلط، أنا بنزل وبشتغل وبساعد أبويا علشان مايحتاجش لحد.

وتابعت أسماء أنها لم تتعلم سواقة التروسيكل، وإنما من كثرة نزولها مع شقيقها وهي صغيرة لاحظت كيف تكون السواقة، وتعلمت منه ثم أصبحت تسوق وتعمل بنفسها، مضيفة: أنا نزلت شغلي وكانوا زمايلي اللي في سني لسه بيلعبوا في الشارع، بس أنا اخترت أساعد والدي.

وأضافت أسماء أنها تدرس في الصف الثاني الثانوي التجاري، وأن كل ما تتمناه أن تدخل كلية التجارة، مضيفة: بينادوني في البلد إني البنت اللي في دار أبوها راجل.. وأنا مش بخاف أروح أي مكان لوحدي زي باقي البنات.. الشغل مش عيب ولا حرام.. وبقول للبنات انزلي اشتغلي وساعدي أهلك.. أنا مخليتش أبويا يمد إيده لحد ونزلت أشتغل علشان أساعده.