مرتضى منصور عن اتهام أحمد رفعت بتناول المنشطات: كدب وحرام نشوه صورته| بث مباشر
قال مرتضى منصور رئيس نادي الزمالك السابق، إن الراحل أحمد رفعت لاعب نادي مودرن سبورت ومنتخب مصر، كان حساسًا بطبعه بشكل كبير.
تصريحات مرتضى منصور عن أحمد رفعت
ورد مرتضى منصور على مزاعم تناول أحمد رفعت منشطات قبل وفاته، ما أدى إلى تعرضه للأزمة الصحية الأخيرة، قائلًا: حرام نشوه صورته وهو عايش وهو ميت كمان.. واللي قال عليه إنه كان بياخد منشطات كداب.
وأضاف خلال العزاء الذي أقامه للاعب أحمد رفعت، أنه إذا لم يتم الانتباه إلى ما يحدث ويتردد في حق اللاعبين بالوسط الإعلامي الرياضي، ستتكرر واقعة أحمد رفعت من جديد.
وواصل مرتضى منصور: أحمد كان شاب قلبه طيب وعانى من الظلم.. والعزاء اللي عملته النهاردة عشانه ده يعتبر أقل تكريم له، لأنه كان لاعب مؤدب ومحترم.. وإن شاء الله حقه مش هيروح.
وتساءل مرتضى منصور عن عدم حضور عدد كبير من الرياضيين في عزاء اللاعب أحمد رفعت، والذي أقامه اليوم في مسجد الحامدية الشاذلية بالمهندسين، قائلًا: فين الرياضيين مشوفتش حد منهم في العزاء النهاردة؟ وأنا كنت حريص في العزاء إني أقعد بعيد ولوحدي، عشان محدش يقول إنه مختلف معايا ومش هيحضر العزاء عشاني.
