استياء طلاب الثانوي الأزهري من صعوبة امتحان الصرف: كان فيه تركات صعبة والوقت مش كفاية | بث مباشر

أعرب طلاب الثانوي الأزهري عن استيائهم بعد الانتهاء من أداء امتحان مادة الصرف اليوم، وذلك لصعوبة بعض أسئلته وعدم كفاية الوقت للإجابة.

استياء طلاب الثانوي الأزهري من صعوبة امتحان الصرف

وقال أحد طلاب الثانوية الأزهرية، إن امتحان مادة الصرف اليوم كان صعبًا للغاية بالنسبة له لوجود بعض الأسئلة التي تتطلب تركيز ومهارة عالية للإجابة عليها، قائلًا: الامتحان كان وحش وكله تكات.. امتحانات العربي كلها من أولها وحشة.

وأضاف الطالب: الوقت كمان بيكون قليل مجرد ما بنقرأ ورقة الأسئلة بيكون نص الوقت عدى..الوقت مش بيكفي إننا نراجع بعد ما بنخلص الامتحان لو الامتحان 3 ساعات هيبقى عندنا وقت كفاية نجاوب ونراجع.

وأكد أحد الطلاب أن امتحان مادة الصرف اليوم كان صعبًا بعض الشيء، معقبًا: الامتحان كان نصه سهل والباقي كان في تريكات صعبة أوي.. والوقت قليل مش بيكفي.