شهد سعيد: مفيش عداوة بيني وبين جنة عليوة.. ومش حاسة بالذنب لأني متعمدتش أوقعها | بث مباشر

قالت شهد سعيد لاعبة منتخب الدراجات إنها تابعت تعليقات مستخدمو مواقع التواصل الاجتماعي على أزمتها الأخيرة مع زميلتها اللاعبة جنة عليوة، والتي وصفتها بأنها كانت صعبة للغاية.

شهد سعيد: مكنتش قاصدة أوقع جنة ومفيش عداوة بيني وبينها

وتابعت: تعليقات الناس عليَّ كانت صعبة أوي.. وهما للأسف سمعوا من طرف واحد بس مش من طرفين وخدوا كلام جنة ومحدش نصفني.

وأضافت شهد سعيد أنها شعرت بالتعب خلال خوضها السباق بسبب معاناتها من بعض الضغوطات، لذلك فاختل توازنها واصطدمت بزميلتها جنة عليوة دون قصد، قائلة: اللي حصل في السباق إن العجلة اختلت مني وخبطها من غير قصد لأني كنت تعبانة ومضغوطة.. أنا عارفة إني غلطانة بس غلط غير متعمد تمامًا.

كما أكدت أنها لم تكن تقصد أبدًا إيذاء زميلتها جنة عليوة، حيث أنها حرصت على الاطمئنان عليها بعدما اصطدمت بها دون قصد.

واستكملت شهد سعيد: جنة بتقول إني أذيتها طب ما السباق 50 كم أنا سبتها المسافة دي كلها وهأذيها في 50 متر؟ وأنا رجعتلها تاني عشان أطمن عليها بس كانت هي مشيت.. وده يأكد إن مافيش بيني وبين وبينها أي عداوة ولا هي عدوتي ولا أنا عدوتها.

وأشارت إلى أنها حاولت أن تعتذر إلى جنة عليوة عما بدر منها خلال السباق دون قصد، إلا أنها رفضت ذلك وتحدثت معها بأسلوب غير لائق، مختتمة: جنة عملت محضر ضدي وروحت القسم عشان أعتذرلها زقتني وقالتلي مبقبلش اعتذار من واحدة مجرمة.. مش حاسة بالذنب لأني مكنتش قاصدة أعمل فيها كده.. بس بقولها أنا أسفة يا جنة وحقك عليَّ لأني مقصدتش أوقعك.