دمر عربيتي وكسر جسمي.. المتضرر من الفنان أحمد صلاح حسني: كان بيضحك ويقولي إي جابك قدامي| بث مباشر

كشف المهندس محمد صالح، موظف التجمع المتضرر من الفنان أحمد صلاح حسني، لتسببه في تدمير سيارته، بعد اصطدامه به من الخلف، تفاصيل الواقعة.

متضرر الفنان أحمد صلاح حسني يكشف التفاصيل

وقال المهندس محمد صالح صابر، إن الواقعة كانت في شهر ديسمبر 2023 بعد شرائه سيارته، وخلال سيره على كوبري أرابيلا بدائرة قسم شرطة التجمع الخامس، فوجئ بسيارة تنزل من أعلى الكوبري بسرعة جنونية، مضيفا: كان طاير وشالني بعربيتي من على الطريق وفضل واخدني قدامه حوالي 300 متر بدون استعمال أي فرامل، والزجاج كله عمال بيتكسر ويدخل في جسمي وأنا داخل عربيتي.

وأضاف متضرر الفنان أحمد صلاح حسني: العربية وقفت ولقيت الفنان نازل من العربية بيضحك ويقولي أنت إي اللي جابك قدامي.. أنا جالي ذهول من المنظر ومبقتش عارف أعمل أي.. اللي اتعرضت له كانت لحظات موت، وجسمي كله كان بيجيب دم والزجاج بتاع العربية دخل في جسمي، والحديد بتاع العربية اتعجن.

وأضاف متضرر الفنان أحمد صلاح حسني: مسألنيش حتى أنت عامل إي أو معاك حد، والشرطة صورت إن الفنان مستعملش فرامل وخدني قدامي.. العربية اتعجنت تماما ومبقتش نافعة.. ولو حد كان راكب معايا في العربية كان اتعجن.. وجسمي كله كان كدمات.

وكانت محكمة جنح التجمع الخامس قررت اليوم الثلاثاء، تأجيل أولى جلسات محاكمة الفنان أحمد صلاح حسني لتسببه في تدمير سيارة موظف وإصابته لجلسة 30 يوليو المقبل.