عيالي بيعيطوا من كتر الجوع.. أرملة بالبدرشين تستغيث: اتبهدلت بعد وفاة جوزي ومش لاقيين ناكل| بث مباشر

استغاثت أرملة تدعى أم أحمد 38 عامًا، تقيم في منطقة البدرشين التابعة إلى محافظة الجيزة، وذلك بسبب تدهور حالتها المادية والمعيشية، إذ إنها تقيم داخل عشة رفقة أبنائها الـ 8، ولا تملك مصدر دخل أساسيا لتنفق منه على أبنائها، وخاصة بعد وفاة زوجها منذ 4 سنوات.

استغاثة أرملة في البدرشين

وقالت السيدة أم أحمد، إن زوجها قبل وفاته كان يعمل باليومية، لافتة إلى أن حالتهم المادية كانت متيسرة إلى حد ما، إلا أن بعد وفاته منذ 4 سنوات تدهورت حالتها المادية والمعيشية تمامًا، إذ إنها فقدت مصدر الدخل الذي كانت تعتمد عليه.

وتابعت: قبل ما جوزي يموت كنا عايشين كويس الحمد لله بس دلوقتي حالتنا بقت صعبة.. عيالي اتبهدلوا بعد موت أبوهم وبقيت أطلع ألم بلاستيك من الشارع وأبيعه لأني مش لاقية شغل مناسب ليا.

كما أضافت السيدة أم أحمد أنها أجبرت أبناءها على ترك التعليم بالمدارس بسبب عدم قدرتها على تحمل مصاريف الدراسة، قائلة: ولادي الكبار خرجوا من المدرسة لأني مش قادرة أصرف عليهم.

وأردفت: أنا وولادي لو اتغدينا مش بنتعشى ولو اتعشينا مش بنتغدى.. هعمل إيه مش معايا فلوس أصرف عليهم ولا أجيب ليهم أكل.. وعلى قد ما بقدر بصحى كل يوم الفجر عشان ألم البلاستيك والخردة وبجمع بالكتير في اليوم 150 جنيه.. ولو مقدرتش أجيب لولادي أكل بيفضلوا يعيطوا ويقولولي إحنا جعانين.