سيدة تستغيث من اشتعال حرائق في منزلها بالدقهلية: بقاله 4 شهور بيولع ومش عارفين السبب| بث مباشر

استغاثت سيدة مقيمة في إحدى قرى مدينة المنصورة التابعة لمحافظة الدقهلية، من اشتعال النيران داخل منزلها منذ 4 أشهر دون أي أسباب واضحة لذلك، إذ أنها تتفاجأ بتصاعد ألسنة اللهب والنيران في المنزل، ما نتج عن ذلك احتراق أثاث وحوائط المنزل بالكامل.

استغاثة سيدة من اشتعال النيران بمنزلها بالدقهلية

وقالت السيدة شيرين عبد الرؤوف، إن النيران بدأت تشتعل داخل منزلها قبل شهر رمضان الماضي، إذ نشبت نحو 6 حرائق على مدار 4 أيام دون أي أسباب.

وتابعت: أول حريق حصل كان في الصالة وقدرنا نطفيه.. وبعدين أوضة ابني ولعت وتدمرت بكل حاجة فيها.. وبعدين رجعت الصالة تاني وكنا فاكرين أنه ماس كهربائي.. بس لما فصلنا الكهرباء النار ولعت تاني في الصالة والبلاط كان بيولع.

وأضافت، أن النيران عادت للاشتعال من جديد داخل غرفة أخرى في المنزل، لافتة إلى أن هذه الغرفة لم يتم توصيل لها الكهرباء وكان يوجد بها بعض المنقولات، إلا أنها احترقت بالكامل.

واستكملت: النار كانت بتتنقل من مكان لمكان ومن أوضة لأوضة تانية جوا البيت وإحنا مش فاهمين في إيه.. وكل مرة كانت المطافي بتيجي تطفي الحريق وجبنا كهربائي قال إن الكهرباء في البيت سليمة ومافيهاش حاجة.

وأشارت السيدة شيرين عبد الرؤوف، إلى أن النيران ظلت تشتعل داخل منزلها على مدار 4 أشهر، مختتمة: النار كانت بتولع البيت بشكل معين ومكانتش بتطفي غير لما نفضل نقول الله أكبر.. إحنا اتبهدلنا ومبقتش عارفة أعمل إيه.