إياد ثالث الجمهورية بالثانوية العامة: مكنتش متوقع.. والاجتهاد والتوكل على ربنا سر نجاحي | بث مباشر

حصل الطالب إياد يحيى، ابن محافظة دمياط، على المركز الثالث على مستوى الجمهورية في الثانوية العامة 2024، علمي علوم.

وعن مكالمة وزير التربية والتعليم له، قال الطالب إياد يحيى: مكنتش مستوعب وهو بيكلمني، ومش مصدق واديت التليفون لوالدي، وفرحنا كلنا بعد ما تأكدنا من الخبر.

وأشار والد الطالب إياد إلى أنه كان يتوقع أن يحصل نجله على 99% في الثانوية العامة، لكنه لم يكن يتوقع أن يكون ضمن الأوائل على مستوى الجمهورية، معقبًا: الفرحة مش سيعانا ومش مصدقين لحد دلوقتي.

وأضافت والدة الثالث على الجمهورية بالثانوية العامة: سجدت لما سمعت مكالمة الوزير، وعيطت من الفرحة؛ لأن ابني اجتهد وتعب وربنا كفأه.. وكنت متوقعة إنه يجيب مجموع كويس، لكن مكنتش متوقعة يجي في الترتيب.

وأوضح الطالب إياد أنه لم يكن يراكم أي مواد أو مذاكرة عليه، وسر تفوقه في تنظيم الوقت، مضيفا: كنت بذاكر بالكتابة، وبعتمد على نفسي في المذاكرة، ونفسي أدخل طب بشري.. وسر النجاح هو الاجتهاد والتوكل على ربنا في كل حاجة.. ووالدي ووالدتي كانوا دايما بيظبطولي جو المذاكرة ودا ساعدني كتير.