شيرين ترد على حسام حبيب: اللي من القلعة ميقبلش إن مراته تصرف عليه 6 سنين| بث مباشر

علقت المطربة شيرين عبد الوهاب على سخرية طليقها حسام حبيب من محل إقامتها في القلعة، بالتزامن مع استمرار الخلاف بينهما حول عملهما سويا.

وقالت شيرين عبد الوهاب، في تصريحات لـ القاهرة 24: أنا بقوله الناس الشعبية اللي من القلعة هما دول اللي جدعان اللي متربيين ومحدش منهم يقبل إن مراته تصرف عليه، وبشهادة كل الناس وحتى رضوى الشربيني قالتها، إيه الشغلانة دي عشان نشتغلها، 6 سنوات مبيدفعليش 100 جنيه مصروف.

شيرين عبد الوهاب ترد على حسام حبيب

وتابعت شيرين عبد الوهاب بأنها انتهت بشكل كامل، وأن حسام حبيب السبب في ذلك، وأنه هو الذي كان يركع لها دائما ويتذلل من أجل أن توافق على الرجوع إليه.

وتابعت شيرين عبد الوهاب: بالنسبة إنه بيقول انقذوني منها، مفيش راجل من ضهر راجل يقول كده، مش يوطي ويبوس الأيادي، ويقول هموت من غيرك، وقال أنا بحبها أكتر من كرامتي، وكل مرة برجع عشان بيصعب عليا وبيعيط وبيركع وبيتنازل.

وأضافت شيرين عبد الوهاب أنها منذ تزوجت حسام حبيب وانخفض مستواها الفني كثيرا، حيث قالت: أنا انتهيت كان واخدني شمعة منورة وعندي شغلي وناجحة، بقالي 6 سنوات مش عارفة أنزل أغنية من غيرته، وعملتله ستوديو، الحمد لله ربنا فرجها عليا لما سبته وهنزل أغاني الأسبوع الجاي.