مريض سرطان بدرجة مكافح.. قصة صياد بكفر الشيخ: الكيماوي بيتعبني بس لازم أشتغل عشان بيتي محتاج | بث مباشر
قصة كفاح لـ صياد يدعى رزق، مقيم في محافظة كفر الشيخ، والذي يسعى على رزقه بالحلال لتوفير مصدر دخل أساسي له، على الرغم من ظروفه الصحية وإصابته بمرض السرطان، إلا أن ذلك لم يكن عائقًا أمامه لمواصلة مشواره في الكفاح بالحياة.
قصة كفاح صياد في كفر الشيخ
وقال رزق إنه يبدأ عمله خلال ساعات الليل لأن حالته الصحية لا تسمح له أن يعمل في النهار؛ وذلك بسبب تلقيه العلاج الكيماوي الذي يجعل الأمر به مشقة عليه حال خروجه للعمل في الصباح.
وتابع: أنا مسؤول عن أهل بيتي كلهم اللي هما حوالي 13 فرد بما فيهم عيالي.. ومافيش قدامي حل غير إني أطلع أشتغل وأجري عليهم وأتحدى ظروف مرضي عشان لقمة العيش.
وأضاف رزق أنه العائل الوحيد لأسرته، ولا يملك مهنة أخرى أو مصدر رزق آخر سوى الصيد، رغم أنها تعتبر مهنة شاقة إلى حد ما ولكنه لم يجد أمامه سواها.
واستكمل: اليوم اللي بيبقى عندي فيه جلسة كيماوي للأسف مبقدرش أنزل الشغل.. وبيبقى نفسي أنزل أشتغل عشان بيتي محتاج.. وساعات ابني بينزل معايا عشان يساعدني.
كما أوضح رزق أن مهنة الصيد ليست مربحة بشكل كبير، فـ في بعض الأحيان يخرج للعمل ولكنه لا يتحصل على كمية كبيرة من الأسماك لبيعها في السوق، مختتمًا: معرفتش أشتغل حاجة تاني غير الصيد ولازم أكافح على شغلي عشان أصرف على بيتي.
