كانت زعلانة وبراضيها.. عريس كفر الدوار صاحب فيديو العروسة مغصوبة: بنحب بعض.. وصاحب الكوافير دمر حياتي| بث مباشر
قال محمد عريس كفر الدوار، صاحب فيديو العروس المغصوبة، إن ما ظهر في مقطع الفيديو المتداول على مواقع التواصل الاجتماعي أنه كان يراضي خطيبته بسبب سوء تفاهم حدث بينهما ليس أكثر، مؤكدًا: إحنا بنحب بعض وهي بتحبني وأنا بحبها.
وأضاف عريس كفر الدوار: عروستي كانت زعلانة مني لأنها كانت عايزاني آجي ببدلة الفرح وأنا ملبستش بدلة، وكنت براضيها، وطلبت من صاحب الكوافير إنه يصور الفيديو ليا أنا بس علشان الذكرى مش عشان ينشره.
عريس كفر الدوار صاحب فيديو العروسة مغصوبة
وأضاف عريس كفر الدوار: فوجئت بأصحابي بيوقفوني في الشارع ويقولولي أنت بقيت تريند، وأنا معرفش يعني إيه تريند ومعنديش فيس، وشوفت الفيديو أول مرة من أخويا، وصُعقت لما شوفته، وكنت هعمل مشكلة مع نسايبي بسببه لأني فكرت إن العروسة اللي نشراه.
واستكمل عريس كفر الدوار: نفسيتي متدمرة بسبب الفيديو، واللي نشره دمر حياتي ومستأذنيش إنه ينشره، وتسبب في كسر فرحتي.
وأضاف والد عريس كفر الدوار: إحنا دخلنا البيت من بابه وأهل العروسة وافقوا والعروسة كانت فرحانة بالشبكة والكل اتصور معاها وكنا فرحانين كلنا.. وهناخد حقنا بالقانون من اللي نشر الفيديو.
