طالب يستغيث بعد تعدي جاره عليه بالمنيا: ضيع عيني ومش عارف هشوف بيها تاني ولا لأ| بث مباشر
شهدت محافظة المنيا واقعة مأساوية ومحزنة، حيث أُصيب طالب بالصف الأول الثانوي يدعى إبراهيم أحمد، بانفجار في العين اليسرى وقطع بالقرنية ونزيف داخلي، وذلك كان على يد جاره الذي تعدى عليه بالضرب وأصابه بعاهة مستديمة.
طالب يفقد إحدى عينيه على يد جاره في المنيا
وقال الطالب إبراهيم أحمد، إن تفاصيل الواقعة تعود عندما دخل المحل الخاص بجيرانه حتى يقوم بغسل وجهه، لافتًا إلى أنهم جيران منذ سنوات واعتاد أن يفعل هذا الأمر على مدار السنوات الماضية.
وتابع: كنت داخل محل الجيران وإحنا متعودين بندخل عندهم على طول عشان عندهم حمام.. وهما بردوا بيخشوا عندنا عادي ياخدوا أكل أو أي حاجة عاوزينها.. وأنا طالع من المحل مسكني جاري من هدومي وشدني وقالي إيه اللي دخلك هنا!
وأضاف الطالب إبراهيم أن نجل جاره تعدى عليه بالضرب وأصابه في عينه اليسرى، قائلًا: ابن جاري ضربني بالبوكس في عيني الشمال ومبقتش أشوف بيها.. والدكاترة قالوا مستحيل دي تكون ضربة إيد عادية أكيد كان فيه حاجة في إيده بس أنا مشوفتش.
وأوضح أنه على الفور تدخل الأهالي لفض الخلاف بعدما نشبت مشاجرة بينهم أُصيب على إثرها في عينه اليسرى، مختتمًا: أنا مش عارف هو ضربني ليه وإحنا طول عمرنا متعودين نخش عنده.. أنا كنت داخل أغسل وشي عشان أروح الدرس ومحصلش بيني وبينه أي مشكلة قبل كده.. ومش عارف إذا كنت هرجع أشوف تاني بعيني ولا لأ.
