تفاصيل تعرض فتاة لمحاولة خطف على يد سائق إند رايف: رش حاجة غريبة وحسيت إني اتخدرت| بث مباشر

نشرت فتاة تدعى حبيبة محمد علي، منشورا عبر حسابها الشخصي على موقع التواصل الاجتماعي فيس بوك، كشفت فيه محاولة خطفها على يد سائق إن درايف حال طلبها التوصيل لأحد المناطق.

وزعمت الفتاة تعرضها للتخدير المؤقت، وأنها سرعان ما فرت منه هاربة على الطريق الصحراوي وبادرت بالصراخ وفرَّ السائق هاربا.

وقالت فتاة إندرايف في منشورها: ومن ساعة ماركبت وهوا مش مظبوط وعمال يعمل حاجات غريبة وكان بيكلم ناس غريبة ومتابع مع واحد في الموبايل يقوله أنا دخلت كذا قابلني في الحتة دي، ومتأكدة إنه كان شارب حاجة وكان مش مظبوط.

واستكملت الفتاة: قفل كل الشبابيك أول مطلعنا في طريق الصحراوي وفضل مطلع راسه من الشباك اللي جنبه الوحيد اللي سايبه مفتوح، وأنا متأكدة إنه رش حاجة في العربية عشان كان فيه ريحة غريبة جدا.

وأردفت: وأنا كنت ابتديت أدوخ ووشي كله نمل ومكنتش شايفة كويس واتصرفت بسرعة وفتحت الباب، وهوا ماشي وقعدت أزعق وقولتله ينزلني وإني عاملة شير لوكيشن لبابايا، ونزلت جريت على الطريق وهوا اتوتر ومشي.

وأضافت فتاة إندرايف أن اسم السائق الموجود على الأبليكيشن غير اسمه الموجود على get contact.

وحذرت الفتاة متابعيها من الركوب رفقة ذلك السائق حفاظا على سلامتهم قائلة: خلوا بالكو محدش يركب معاه، وهوا طلع مبدأش الرحلة أصلا أنا نفسي أفضحه عشان حرام بنت تتحط في نفس الموقف المرعب ده.