محامي فرد الأمن ضحية إمام عاشور: بنطالب بتوقيع أقصى عقوبة ومفيش حد فوق القانون | بث مباشر
حرص المستشار علي فايز، محامي عبد الله فرد الأمن ضحية إمام عاشور على طمأنته، قبل عقد جلسة محاكمة إمام عاشور اليوم.
وقال محامي فرد الأمن ضحية إمام عاشور: بحب أطمن عبد الله؛ لأنه بيكلمني قبل الجلسة ويقولي إنه خائف معرفش أخد حقه، قولتله إمام عاشور مش فوق القانون، ومفيش حد فوق القانون، وإحنا في دولة قانون وهناخد حقنا بالقانون.
وأضاف محامي ضحية إمام عاشور: عبد الله عمال يقولي أنا خايف حقي ميجيش، أنا اتبهدلت واللي حصل خلاني مش عارف أشتغل وسبت شغلي واتبهدلت، ومن ساعتها قاعد في بيتي خايف معرفش أخد حقي.
وأكمل المحامي: للأسف إمام عاشور محاولش يتواصل معايا ولا مع عبد الله.. إمام عاشور قالهم أنتو متعرفوش أنا مين.
وأشار محامي ضحية إمام عاشور إلى أنه ليس هناك أي دليل يثبت أن زوجة إمام عاشور تعرضت للتحرش، وإنما اللاعب إمام عاشور توهم أن زوجته تم معاكستها وهذا لم يحدث، معقبًا عبد الله ملوش علاقة بالواقعة ومكنش موجود وقتها.. وبنطالب بتوقيع أقصى عقوبة على إمام عاشور.
