سيدة دهستها سيارة مسرعة بالمنيا: بقيت عاجزة.. ومحتاجة عمليات عشان أقف على رجلي تاني| بث مباشر

استغاثت السيدة آمال محمد صديق، ابنة محافظة المنيا، بالمسؤولين لعلاجها بعد معاناتها على مدار عام ونصف بسبب عجزها بعدما تعرضت لحادث دهس سيارة مسرعة.

استغاثة سيدة بالمنيا بعد دهس سيارة لها

وقالت آمال محمد صديق إنها تعرضت لحادث منذ عام ونصف، إذ كانت خارجة من نادي الشرطة ومتجهة إلى الطريق المقابل لتستقل تاكسي، لكنها فوجئت بسيارة مسرعة دهستها، مضيفة: العربية جت بسرعة طيرتني في الهواء وبعدها لقيت حد بيلقني الشهادة وودوني المستشفى.

وأضافت آمال محمد صديق أن من خبطها بالسيارة هو من أوصلها إلى المستشفى وأجرى لها التحاليل اللازمة، مضيفة: جابني البيت وقالي مش هسيبك إلا لما تخفي وهتكفل بكل علاجك.. وأنا مكنتش بنام من الألم، وكنت باخد دواء علشان أقدر أنام، والكلية اتضررت والوجع كان في رجلي.

وتابعت آمال محمد صديق: بعد الحادثة بـ 12 يوما اتصلت عليه علشان كنت محتاجة أشعة مقطعية لكنه كان بيماطل ومجاش.. ووقتها مرضتش أعمل محضر علشان ما أضرهوش، وقولت إنها حادثة بسيطة، لكن أجريت 3 عمليات علشان أقدر أقف على رجلي.. اللي حصل كسرني ومبقتش قادرة أعمل حاجة لولادي وجوزي.. ومحتاجة عمليات علشان أقدر أقف على رجلي زي الأول.