والدة سائق ميكروباص معدية أبو غالب: ابني مظلوم وكان بيضحي بحياته عشان ينقذ البنات | بث مباشر

حرصت والدة سائق ميكروباص معدية أبو غالب، على مساندته وحضور أولى جلسات محاكمته على خلفية اتهامه و4 آخرين بالقتل الخطأ لـ 17 فتاة وإصابة 9 أخريات بالخطأ.

محاكمة المتهمين في حادث معدية أبو غالب 

وقالت والدة سائق ميكروباص معدية أبو غالب إن نجلها ضحية ومظلوم، لافتة إلى أن كل ذنبه أنه ترك سيارته من أجل الدفاع عن إحدى الفتيات.

وتابعت: ابني ضحية إيه الجريمة اللي هو عملها؟ كل اللي عمله إنه كان بيدافع عن بنت عشان اتضربت بالقلم من واحد تاني؟ ولو ابني مستهتر زي ما بيقولوا ليه أهالي البنات دول وافقوا إنهم يطلعوا معاه ويوصلهم بالميكروباص؟

وأضافت والدة سائق ميكروباص معدية أبو غالب، أن نجلها ليس مسؤولًا عن عدد الفتيات اللاتي استقلن السيارة، معلقة: ابني مش مسؤول عن العدد لأنه مش سواق بالنفر.. واللي مسؤول عن العدد هو المقاول وابني اعترض عليه لما ركب بنات كتير في العربية بس رد عليه وقاله لو مش عاجبك هجيب ميكروباص غيرك.

كما أوضحت أن نجلها عندما ترك السيارة من أجل الدفاع عن إحدى الفتيات سحب الفرامل قبل النزول منها، قائلة: ابني لما نزل من العربية سحب الفرامل وده بشهادة البنات اللي كانوا راكبين معاه.. ولما العربية وقعت كان بيضحي بحياته عشان ينقذ البنات.