امسكوا نفسكم كويس أنا هقلب الأتوبيس.. شقيق مصابة بحادث الجلالة: قلبهم علشان ميقعوش من على الجبل| فيديو
قال شقيق مصابة في حادث أتوبيس الجلالة، إن سائق الأتوبيس قال للركاب، إنه سيقلب الأتوبيس منعا من وقوعه من على الجبل.
وأوضح شقيق مصابة بحادث الجلالة: أختي كانت قاعدة في الكرسي اللي ورا سواق الأتوبيس على طول بصفين، وكانت واعية وسامعة كل حاجة، وقاعدة بين أصحابها، يعني كانت ملمة بكل الموقف.
وتابع: هما كانوا راجعين من الجامعة ورايحين السكن بتاعهم في بورتو السخنة.. واللي حصل بالظبط واللي أختي قالته في التحقيقات، وهما ماشيين في الطريق شمّوا ريحة شياط، وقالوا للسواق طمنهم علشان مايخافوش وفضل قاعد ساكت.. ولكن الطريق طويل على الجبل والسواق قرر إنه يقلب الأتوبيس علشان ميقعش من على الجبل.
واستنكر شقيق مصابة بحادث الجلالة ما ورد بشأن تعاطي السائق للمخدرات، حيث قال: هو لو بيشرب مخدرات ازاي الفكرة دي هتيجي في دماغه؟!.. وأختي سمعته وهو بيقول يا جماعة امسكوا نفسكوا في الكراسي كويس علشان إحنا هنقلب الباص علشان ميقعش في الجبل.
واستكمل شقيقة مصابة بحادث الجلالة بأن شقيقته خرجت من الحادث بإصابات خفيفة وبكامل وعيها، وخرجت من المستشفى اليوم.
