أب يقتل نجله في سوهاج.. وشقيق المتوفى: ضربه بالكوريك موته وعايز حق أخويا | بث مباشر

كشف شقيق الشاب المتوفي الذي يدعى محمد عنتر، تفاصيل مقتل شقيقه على يد والده بسبب خلافات بينهما، وذلك بإحدى قرى محافظة سوهاج.

وقال شقيق المقتول على يد والده بسوهاج إن والده كان تزوج والدته في البداية زواج طمع في ورثها، وبعدما وقفت الزوجة بجانبه وأسست له عمله وأصبح مستقرا ماديا ذهب وتزوج عليها، مضيفا: رمانا وأنكر كل حاجة تربطه فينا وسابنا عايشين في بيت قديم وزوجته الجديدة وهو عايشين في بيت جديد.

وأضاف شقيق المقتول على يد والده بسوهاج أن نجله كل مشكلته أنه كان يطلب من والده دائما أن يقف بجانبه ويعترف به، مضيفا: كان بيقوله لي يا أبويا تعمل فينا كدا، أنت ربنا رزقك بفلوس كتير لي تضيقها علينا بالشكل دا، وكان رده دايما أنا مش هصرف عليكو خلي أمكو تصرف عليكو أنا مكنتش مبسوط مع أمكو ومبسوط دلوقتي.

وتابع شقيق المتوفي أن والده لم يكتفِ بذلك ولكن طلق والدته طلاقا شفويا، واستأجر المنزل الذي يعيش فيه أولاده لتاجر مخدرات، مضيفا: أخويا حاول يعترض ويطرد المستأجر ولكن أبويا عنفه ووقف في صف المستأجر.

واستكمل شقيق المجني عليه: أخويا حاول يعنف المستأجر لكن تكاثروا عليه هو واللي معاه علشان ميفضحهمش وكتفوه وضربوه في الشارع، واتصلوا بأبويا وجه كمل عليه، وضربه بالكوريك على راسه وأصابوه بتجلطات كثيرة في جسمه، وكان موجود علامات إطفاء 30 سيجارة بجسمه.

واستغاث شقيق المجني عليه: أنا عايز حق أخويا، أبويا قال إنه كان بيأدبه علشان يخفف العقوبة لكن دا مش صح، أبويا فضل سايب أخويا سايح في دمه لحد ما مات.