مصرع شاب من كفر الشيخ على يد آخر بعين شمس.. وشقيق الضحية: اختلفوا على فلوس| بث مباشر
لقي شاب من محافظة كفر الشيخ مصرعه على يد آخر في منطقة عين شمس بالقاهرة، حيث نشبت خلافات مالية بينهما إثر اتفاقهما على شراكة بينهما مع شخص آخر وهو شقيق المجني عليه في شراء التكاتك.
مصرع شاب من كفر الشيخ على يد آخر بعين شمس
وقال شقيق المجني عليه إنه كان يوجد شراكة بينه وشقيقه والمتهم في مجال شراء التكاتك والاستثمار بها، ولكنهم اختلفوا جميعًا وقرروا أن يفضوا الشركة فيما بينهم.
وواصل: لما جينا نفض الشراكة اللي بينا المتهم كان عليه مبلغ مالي وماطل معانا عشان يدينا الفلوس.. وبعدين كان هيبيع الموتوسيكل بتاعه فـ خدته منه مقابل الفلوس اللي لينا عنده.. ومن بعدها بدأ يهددنا إنه هيقتلنا وهيطردنا من البلد أنا وأخويا.
وأضاف شقيق المجني عليه أن المتهم تهجم على منزله وأسرته وحرر ضده محضرًا في مركز الشرطة، إلى أن ترصد لشقيقه وأنهى حياته خلال وجوده في منطقة عين شمس بالقاهرة.
وأضاف: أخويا كان في منطقة عين الشمس والمتهم راح وراه وخد معاه واحد تاني من البلد وقتلوه.. وبعدين جالي تليفون إن أخويا اتقتل وسافرت على طول روحت وشوفت جثة أخويا في المشرحة.
كما أوضح شقيق المجني عليه أنه تبين أن وراء هذه الجريمة الشخص الذي كان شريكهم، حيث ترصد لشقيقه وأنهى حياته طعنًا بمساعدة شخص آخر، مضيفًا: المتهم وهو بيقتل أخويا كان معاه واحد خلاه يصوره وهو بينفذ الجريمة وقاله صورني وأنا بقتله.
