الناجي الوحيد من حادث تصادم اللاعب رجب عمران: شوفت الموت بعيني.. والخبطة كسرت الرصيف| بث مباشر
كشف مالك، الناجي الوحيد، من حادث تصادم رجب عمران، لاعب كرة القدم، تفاصيل جديدة حول تصادم اللاعب بـ 3 أشخاص.
وقال الناجي من الحادث، إنه كان ينتظر هو والضحية الأول عم عادل، والضحية الثاني عم سمارة، بجانب الرصيف جنب المستودع، مضيفا: كنت بسلّم عليهم قالولي اقعد معانا شوية، بعد ما قعدت بـ 5 دقايق لقيت سيارة جاية بسرعة، وخبطت في التروسيكل والتروسيكل خبط فينا.. طرنا كل واحد في ناحية، وبعدها محستش بحاجة.
الناجي الوحيد في حادث تصادم اللاعب رجب عمران ووفاة شخصين: شوفت الموت بعيني.. ومن قوة الخبطة الرصيف اتكسر
وأضاف الناجي الوحيد في حادث تصادم اللاعب رجب عمران: لما فوقت لقيت نفسي العربية طيرتني وسط الزبالة، نقلوني على المستشفى وأصبت بكسور وعضم إيدي ورجلي مخلّع.. شوفت الموت بعيني، وبعد ما خرجت من المستشفى رجعوني تاني علشان حالتي اتدهورت.
واستكمل الناجي الوحي في حادث لاعب طلائع الجيش: الضحايا الاتنين شغالين في بيع الأنابيب وكانوا قاعدين جنب المستودع مستنيين عربية الأنابيب وقالولي اقعد معانا.. من قوة الخبطة الرصيف اتكسر.
