محمد رمضان يعلن أسماء الفائزين في مسابقته: أهل بلدي أولى من عمل كليبات بفلوس كتير| بث مباشر

كشف الفنان محمد رمضان سبب اتجاهه لعمل مسابقة لجمهوره ومحبيه، حيث قال إنه فضل عمل مكافأة لجمهوره بجوائز مالية على أن يصور كليبات لأغانيه بأموال باهظة.

كما قال محمد رمضان في لايف عبر حسابه الشخصي على موقع التواصل الاجتماعي فيس بوك، لإعلان أسماء الفائزين في مسابقته الأخيرة: إحنا بنعمل كليبات بفلوس كتير وأنا فكرت أن الفلوس دي هتسعد الجمهور وهتساعدهم والفوز طعمه حلو.

محمد رمضان يعلن أسماء الفائزين في مسابقته

وأضاف: إحنا اخترنا 10 جاوبوا صح وفي 3 آلاف جاوبوا صح وعملنا قرعة واخترنا 10 منهم، واللي بسطني أكتر أن الناس اللي اخترناهم بالحظ من محافظات كتير، الحمد لله قدرنا نبسط كل محافظة ويا رب الأغنية تعجبكم والأعمال اللي جاية كلها تعجبكم.

وأضاف محمد رمضان: السنة دي هتشوفوا فيلم أسد وهتشوفوا مفاجآت كتير ويا رب أكون دايمًا عند حسن ظنكم، وأسماء الفائزين هيكونوا في أول تعليق في فيديو الأغنية.

واستكمل: اللي مكسبش النهاردة هيكسب في المسابقات اللي جاية لأن إحنا شغالين لإسعادكم، لأن أنا بالنسبة ليا بدل ما أصرف فلوس كتير على صناعة كليب الفلوس دي تروح لأهل بلدي أحسن اللي ساهموا في صنع اسمي.