بعد وقف منح الوكالة الأمريكية للتنمية.. طالبة مكفوفة بالسنة التحضيرية تستغيث: مستقبلي بيضيع| بث مباشر

استغاثت سلمى مصطفى، طالبة مكفوفة بالسنة التحضيرية لمنح الوكالة الأمريكية للتنمية، بسبب تهديد مصيرها التعليمي لاستبعاد الجامعة لهم.

وقالت الطالبة سلمى إنه تم ترشيحها ضمن 124 طالب لدخول الجامعة الأمريكية بالقاهرة، وهناك منهم من كان حاصلا على جوائز على مستوى الجمهورية والعالم.

واستكملت الطالبة سلمى، بأن الجامعة استبعدت 18 طالبا هي واحدة منهم.

وواصلت الطالبة سلمى: كنا عايشين في سكن الجامعة، وفجأة قالولنا إنه تم استبعادنا.. كل الجامعات تكفلت بالناس اللي عندها عدا إحنا الـ 125 طالب، مش عارفين مصيرنا إيه ولا مستقبلنا هيروح فين ولا هنعمل إي.

وأضافت الطالبة سلمى: سنة كاملة راحت من عمرنا، ومش معانا غير شهادة الثانوية العامة فقط، وأصحابي كلهم بيبكوا.. بين يوم وليلة كل حاجة ضاعت، بعد ما كنا بنبني أحلام كتير.

وذكرت الطالبة سلمى: جالنا رسالة إننا يا إما ندفع تكاليف الجامعة يا إما نشوف جامعة تانية.. وإحنا مش هنقدر ندفع تكاليف الجامعة لإنها عالية أوي، وفي نفس الوقت مش هنقدر ندخل جامعات حكومية لإن التيرم خلص.. أرجوكم تساعدونا وتشوفولنا حل.