شاب من ذوي الهِمم فقد مصدر دخله بعد اشتعال توكتوك بالفيوم.. وجهات حكومية توفر له بديلا| بث مباشر

كشف الشاب محمد قرني فتحي، شاب من ذوي الهمم فقد مصدر دخله بعد اشتعال النيران في التوك توك الخاص به في الفيوم، تفاصيل قرار مجلس الوزراء بتعويضه بتوك توك جديد بديل التوك توك المشتعل خاص به.

شاب من ذوي الهِمم فقد مصدر دخله بعد اشتعال توكتوك بالفيوم

وقال محمد قرني فتحي، البالغ من العمر 36 عاما، إن لديه 3 أبناء، وإن مصدر دخله الوحيد هو التوك توك، مضيفا: الواقعة حصلت أول ما خرجت من البيت الساعة 10 الصبح أمام مستشفى الشاملة بإطسا، التوك توك عطل مني وقعدت أدور فيه بس الناس قالولي إنه مولع من الخلف، وحاولت أطفيه لكن النار مسكت فيه كله والناس شدوني منه ومقدرناش نسيطر على النيران.

وأضاف محمد قرني، أن سبب الاشتعال كان ماسا كهربائيا، وأنه حزن كثيرا ولاقى تعاطفا كبيرا من قِبل الجميع، مضيفا: حاولت أعمل له صيانة لكن قالولي مش هينفع تاني، وشغال على التوك توك دا بقالي 10 سنين.

واستكمل محمد قرني: بشكر الجهات الحكومية اللي قالولي هيساعدوني ويوفرولي بديل، وفي ناس كتير كلمتني علشان تساعدني لكن لسه مفيش حاجة على أرض الواقع، وبناشد أي حد يقدر يساعدني علشان معنديش مصدر دخل تاني وبيتي اتخرب.