حسام حبيب: علاقتي بشيرين دمرتني وجابتلي مرض الفقد | بث مباشر
كشف الفنان حسام حبيب، تفاصيل إمكانية عودته مرة أخرى لزوجته السابقة شيرين عبد الوهاب، وذلك خلال ظهوره بأحد البرامج التلفزيونية رفقة الإعلامية بسمة وهبة.
حسام حبيب: علاقتي بشيرين دمرتني ودمرت أهلي
أكد الفنان حسام حبيب أن علاقته مع طليقته الفنانة شيرين عبد الوهاب انتهت ولا يوجد إمكانية لعودتهما مرة أخرى. حيث قال: "مرحلة علاقتي مع شيرين انتهت ولن أعود مرة أخرى، وعلاقتي بها دمرتني ودمرت أهلي، كنا أصدقاء قبل زواجنا ولم نواجه مشاكل، وأول زواجنا كان جميلًا، ولكن الآن هي بالنسبة لي مرحلة انتهت، والناس مستكترة أن المرحلة دي تعدي عليا. وأنا مكنتش عاوز أرد حفاظًا على العشرة وكنت مصممًا لآخر لحظة على الحفاظ عليها."
وأضاف حبيب: "مكسبتش من القصة دي غير الأذى لي، ولم أظهر للناس لأدافع عن نفسي، لكن كفاية كده. شيرين جابتلي مرض الفقد، وكل خناقة بينا كان فيها ناس وأماكن، وأنا هستعين بالناس دي عشان أنهي القصة. وبعتذر لكل الناس اللي حواليا لأني أذتهم. ودائمًا بيطلع كلام أن حسام سرق من شيرين والحاجات دي، ولم أطلع أدافع عن نفسي، أملًا أن اللي طلعها يطلع يدافع عن نفسه. مرات أخويا قالتلي: "أنت أناني، إحنا فين؟ أنت دمرت نفسك."
وتحدث الفنان حسام حبيب عن كواليس حلاقة الفنانة شيرين لشعرها، حيث قال: "كان فيه دكتور بينظم علاقتنا وقال لي لما تلاقيها متعصبة، سيبها تهدأ. فاتعصبت في يوم فسيبت ليها الغرفة ونمت. وصحيت ملقيتهاش في البيت لحد ما هي كلمتني وقالتلي هي فين، روحت ليها. واحدة صحبتها قالتلي في حد بيسخنها عليك. بعدها شيرين قالتلي: 'سمعني الأغاني بتاعتك.' لما سمعت، عيطت وقالتلي: 'بتعمل لنفسك أغاني أحسن من اللي بتعملهالي.' وفي اليوم اللي شيرين حلقت فيه شعرها، قالتلي: 'عاوزة أطلق.' قولتلها: 'بس اهدي.' ردت وقالتلي: 'تبقى مش راجل لو مطلقتنيش قدام صحبتها.' وكنا بليل قولتلها: 'قومي ألبسي.' ردت وقالتلي: 'أنا شيرين عبد الوهاب مبنزلش.' قولتلها: 'لا ده فوق على المسرح، وإحنا هننزل نطلق.' صحبتها هدتني وقعدت، وفجأة شيرين خرجت من الغرفة وهي حالقة شعرها وأنا اتخضيت."
