قفلت في وشه التليفون.. الفائزة برحلة عمرة من برنامج مدفع رمضان بدمياط: افتكرتها اشتغالة ودا حلم حياتي| بث مباشر

فازت وسام عبد اللطيف، التي تعيش في محافظة دمياط، برحلة عمرة مقدمة من حلقة اليوم ببرنامج المسابقات والجوائز مدفع رمضان والذي يقدمه الفنان محمد رمضان، خلال الموسم الحالي.

الفائزون في برنامج مدفع رمضان 

وأعربت الحاجة وسام عبد اللطيف، عن سعادتها الكبيرة من تحقيق حلمها بفوزها برحلة عمرة، موضحة طريقة التقديم للمسابقة بقولها: بنتي كانت راجعة من الكلية شافت عربية البرنامج في شارع مشهور.. كتبت أمنية العمرة وقدمت في المسابقة.. لأنها عارفة إن دا حلم حياتي أزور الكعبة.. بنتي قالتلي أنا كتبتلك أمنية في برنامج مدفع رمضان.. ومقلتش ليا هي أيه بالظبط.

وأضافت: رديت عليها إني مش هطلع من وسط كل الناس اللي كانت مقدمة.. لقيت رقم غريب بيرن عليا وبيقولي أنا من كنترول برنامج مدفع رمضان.

وأكملت: قلت له أنت هتشتغلني أنا ست كبيرة ومينفعش وبعدين قفلت في وشه.. رن عليا تاني وطلب مني رقم الواتساب وبعتلي صورة الرحلة باسمي.. أنا مش بتفرج على التليفزيون.. واسمي لما طلع على البرنامج الناس كلها كلموني.