شاعر يتقدم بشكوى ضد محمد رمضان في جمعية المؤلفين والملحنين ونقابة الموسيقيين بسبب أغنية قالوا إيه | بث مباشر

تقدم الشاعر الغنائي وليد رياض، بشكوى ضد الفنان محمد رمضان والشاعر مصطفى حدوتة، في جمعية المؤلفين والملحنين ونقابة المهن الموسيقية، متهما إياهم بسرقة كلمات من أغنية أنا المليونير لـ رياض، في أغنية قالوا إيه لـ محمد رمضان.

وقال وليد رياض، في تصريحات لـ القاهرة 24: أغنية أنا مليونير عملتها من 5 سنين واتنازلت عنها لـ منتجة اسمها منال البربري، واتفاجئت إن محمد رمضان منزل أغنية اسمها قالوا إيه، وواخد فيها جملتين من الأغنية بتاعتي اللي هي (أي أرض نزلتها كسبت فيها محبة أهلها).

وأضاف: الجملتين دول بتوعي منزلهم في الأغنية من 5 سنين، وقدمت النهاردة شكوى رسمية في جمعية المؤلفين والملحنين وهيستدعوا الشاعر مصطفى حدوتة.

وتابع وليد رياض: همشي في إجراءات إني أرفع قضية على الشركة المنتجة للأغنية وهوقفها على يوتيوب.. وكنت بتواصل مع محمد رمضان وكان عايز يحل معانا ودّي ويكون في تعويض مادي، ولكن من بعد ما سافر أمريكا التواصل اتقطع والموضوع متحلش، ورجعت للشاعر مصطفى حدوتة قالي اعمل اللي أنت عايزه، وأنا كعضو جمعية المؤلفين والملحنين قدمت شكوى وهيستدعوه رسميًا.

واستكمل: المنتجة بتاعة الأغنية قدمت شكوى في محمد رمضان في نقابة المهن الموسيقية، وهتقدم شكوى تانية في نقابة المهن التمثيلية.