اتهمته بسرقة الأوردر.. سائق أوبر في واقعة هبة قطب: كانت عايزاني ألمّ الحلويات من على الدائري| بث مباشر

كشف سائق أوبر الذي اتهمته الدكتورة هبة قطب، أستاذة الطب الشرعي بجامعة القاهرة، بعد توصيله الأوردر لها وتوقيعه على الطريق الدائري، وحظرها لعدم الوصول إليه، تفاصيل الواقعة.

وقال محمد سائق أوبر سكوتر، إنه تلقى أوردر وذهب لأخذه، فأعطاه أحد الأشخاص علبة من الحلوى وطلب منه توصيلها لمكان معين، مضيفا: جيت أربطها قالي متربطهاش أوي علشان دي حلويات متبوظش منك.

وأضاف سائق أوبر: مشيت بالأوردر حوالي 25 كيلو متر بعدها الحبل فكّ ووقع مني على الدائري، اتصلت بالأستاذة هبة قطب وشرحتلها الموقف وقولتلها مستعد لأي حاجة تقوليها، قالتلي أنا مش هقبل بأي حاجة غير إنك ترجع تلمّ الحلويات وتبعتها للمكان اللي طلبته، وبالفعل حاولت أعمل كدا مرتين لكن معرفتش لإن حياتي كانت هتبقى في خطر.

وتابع سائق أوبر أسكوتر: اتصلت بها وطلبت رقمها الشخصي أكتر من مرة علشان أصوّر لها الأورود علشان متقولش إني سرقته، لكنها رفضت تديني رقمها وكانت عايزياني أعرّض حياتي للخطر، فاضطريت ألغي الرحلة وقولت إن في مشكلة، واتهمتني إني عملتلها حظر لكن دا محصلش.. وقولتلها أكتر من مرة إني مستعد أتكفل بفلوس الأوردر لكنها رفضت.