السرطان سرقك من حضني.. أرملة إبراهيم شيكا تودعه: قطمت ضهري يا حبيب عمري | بث مباشر

كتبت هبة التركي، أرملة إبراهيم شيكا لاعب نادي الزمالك السابق، الذي رحل عن عالمنا بالأمس بعد صراع مع مرض السرطان المستقيم، منشورًا عبر حسابها على موقع التواصل الاجتماعي فيس بوك، تنعاه فيه بكلمات مؤثرة وحزينة.

أرملة إبراهيم شيكا تودعه بكلمات مؤثرة

وقالت هبة التركي: وبشر الصابرين الذين إذا أصابتهم مصيبة قالوا إنا لله وإنا إليه راجعون، تعوض شبابك في الجنة يا حبيبي تأكل وتشرب وتنام من غير مسكنات، ارتحت وتعبت هبة وقهرتها وقطمت ضهري يا إبراهيم، هو ده كان وعدك ليا يا حبيبي بعد كل اللي وصلناله ده تمشي وتسيبني.

وأضافت: أستغفر الله العظيم يا رب انت اللي عالم بالنار اللي جوه قلبي، دعواتكم لحبيب عمري وصاحبي وأبو ولادي بالرحمة، يا حبيبي بعد ما السرطان سرقك من حضني أنا حاسة إني بحلم يا نن عيني، وهتقوم وترن عليا وتقولي هاتي كوباية لبن وخشي الرعاية وأفضل أتخانق معاهم عشان أدخل وأخدك في حضني زي كل يوم.

وتابعت هبة التركي: يا رب الصبر من عندك يا رب، متنسوش إبراهيم أستحلفكم بالله متنسهوش، كان أنضف وأحسن إنسان هتعرفوا في حياتكم في الجنة ونعيمها يا نور عيني، ويجعل تعبك شفيع ليك يا رب الصبر من عندك يا رب، مع السلامة يا رفيق العمر عيالك فوق راسي ليوم ما ربنا يجمعني بيك.