وش ابني باظ.. انهيار والدة سيف أحد مصابي انفجار خط الغاز بطريق الواحات: لو فضل كدا محدش هيشغله| بث مباشر
انهارت والدة سيف، أحد مصابي حادث انفجار خط الغاز بطريق الواحات، أمام مستشفى إمبابة العام بعد تحويلها إليه مع عدد من المصابين، قائلة: لو وش ابني طلع كدا أنا هموت.
حادث انفجار خط الغاز بطريق الواحات
وكشفت والدة تفاصيل الحادث بحسب ما روى لها نجلها قائلة: ابني كان رايح الشغل في مطعم مشهور وكان راكب ميكروباص، وبعدها حس بذبذبة في الميكروباص والأرض بتتهز وبعد كدا حصل الانفجار.
وأضافت: كل يوم بيطلبوا علاج وأنا مش معايا وبصرف فلوس كتير وعلبة المرهم بـ450 جنيه.. ولو وش ابني طلع كدا أنا هموت.. وأنا اللي طول عمري شيلاه ومطلقة وهو حتة لحمة.
وتابعت: ابني في سياحة وفنادق ولو فضل وشه كدا عمره ما حد هيشغله.. وعاوزة حد مسؤول يشوف الضحايا والمصابين وأهاليهم.
