قالتلي أنت عاجز.. شاب من ذوي الهمم يستغيث من جارته بدمياط: بتتعمد تتنمر عليا أمام الناس | بث مباشر
يعاني شاب من قصار القامة يدعى مؤمن، مقيم في مركز ومدينة كفر سعد بمحافظة دمياط، من تعرضه للتنمر من جارته التي تتعمد مضايقته دون مراعاة حالته الخاصة.
استغاثة شاب من ذوي الهمم في دمياط
وقال الشاب مؤمن إنه لديه محل خاص يبيع فيه ملابس رجالي، وبجواره سيدة تملك محل آخر لبيع الملابس الحريمي، ودائمًا ما تفتعل معه العديد من المشاكل بشكل يومي تقريبًا.
وأضاف الشاب: أنا فاتح محل ببيع فيه لبس شبابي وجنبي واحدة ست فاتحة محل لبس حريمي، وكل يوم بيحصل بينا مناوشات وبتلقح عليا بالكلام، ورغم إن فيه بيني وبين محلها مسافة إلا إنها بتفضل تزعق عشان أشيل المانيكانات وبتقولي إني بضّيق عليها في شغلها، وعلى طول بتتنمر عليا.
وأوضح الشاب مؤمن أنه هددها بأنه سيحرر محضرا ضدها بسبب تعمدها مضايقته، قائلًا: لما قولت للست دي إني هعمل فيها محضر أخوها كان موجود رد وقالها يعني إنتي هيتعمل فيكي محضر من واحد قصير كده! بيتنمروا عليا وبيضايقوني.
وأشار الشاب مؤمن أنه بالفعل توجه إلى قسم الشرطة وحرر محضرا ضد تلك السيدة، مؤكدا أنه لا يوجد أي خلافات سابقة بينه وبينها، بل أنها تتعمد افتعال المشاكل مع أي شخص بدون أسباب واضحة.
واستكمل: الست دي كل شوية بتعمل مشكلة مع حد من الجيران، بس أنا وضعي مختلف لأنها اتنمرت عليا وقالتلي إني عاجز، وعلى طول بتضايقني قدام الناس في الشارع كله من غير ما تراعي ظروفي.
