بعد انتظار عام ونصف.. أب يناشد الجهات المعنية علاج نجله المصاب بضمور العضلات | بث مباشر
يعاني الطفل أمير أحمد السيد، منذ 3 سنوات من مرض ضمور العضلات دوشين، وطوال عام ونصف ينتظر صدور القرار الخاص بعلاجه على نفقة الدولة وتوفير الأدوية الخاصة بالعلاج.
ضمور العضلات
وكشف أحمد السيد والد الطفل أمير، تفاصيل إصابة نجله بالمرض، قائلًا: كان طبيعي وبيلعب كورة ومن 3 سنين لاحظت إن ابني مش قادر يطلع السلم وبيسند بإيده.. وعملتله التحاليل والإشاعات ولم يتم التشخيص في البداية وقالوا نقص فيتامين وكالسيوم.
وأضاف قائلًا: روحت لدكتور عظام وعملنا تحاليل والنتيجة ضمور عضلات.. ونصحني أتوجه لمستشفى الدمرداش.. والمستشفى نصحتني أرفع قضية عليهم من أجل الحصول على العلاج لأنه خارج مصر.. واتخذت الإجراءات القانونية، وكسبت القضية وبقالي سنة ونص دوره مجاش.
وتابع: مش عارف دوره هيجي امتا.. هل لما يموت ولا لما يحصله حاجة؟.. وقالولي لو مقدرش يقف على رجليه مش هياخد العلاج، ومحدش هيحس بيا غير اللي عنده ابن مريض بنفس المرض.
