زوج يستغيث من زوجته بالمنوفية: سافرت أشتغل رجعت لقيتها مخطوبة.. واستولت على كل فلوسي | بث مباشر

استغاث فتوح صابر، ابن محافظة المنوفية، من زوجته، حيث فوجئ بعد عودته من سفره أنه تمت خطبتها.

وكشف صابر التفاصيل قائلا، إنه سافر للمملكة العربية السعودية للعمل عام 2021، لكنه لم يتمكن من العمل بسبب تأثر وضع البلاد بسبب كورونا، ففكر أن يُرسل لزوجته لتكون معه في سفره، كون الأمر سيطوّل معه بعض الوقت ولن يتمكن من النزول، مضيفا: لما قولتلها تعالي أنتي والبنت فرحت جدا لكن أمها قلقتها مني وقالتلها متروحيش فرفضت تيجي، قولتلها خلاص أنا هقعد هنا كام سنة وهطوّل علشان لسه معملتش فلوس ومش هعرف أنزل قالتلي ماشي.

وأضاف: سافرت 4 سنين وبقيت أشتغل وأبعت لها كل الفلوس، ولكن لما نزلت لقيتها مخطوبة لواحد شغال في الكويت ورفعت عليا قضية خلع.

وتابع أن لديه ابنة واحدة تبلغ من العمر 14 عاما، وأن نجلته توسلت له أن يعود لوالدتها فوافق ووافقت هي الأخرى وعادت إليه، مضيفا: بعدها تعرضت لحادث والدكتور قالي إيدي مش هينفع أشتغل بها تاني، وأنا شغال بنّا.

واستكمل: لما عرفت إني مش هعرف أسافر تاني، والفلوس اللي معايا كلها خلصت على العلاج بدأت معاملتها هي وأهلها تتغير معايا، وطلبت مني الطلاق بعد ما كتبتلها قايمة جديدة ودهب، لكن رفضت فجابتلي بلطجية وتعدوا عليا في بيتي.

واستغاث صابر قائلا: أخدت كل فلوسي ومعرفش ودتها فين، ودلوقتي رجعت للي كانت مخطوبة له الأول علشان معاه فلوس ورفعت عليا خلع للمرة الثانية.. أنا عايز حقي وعايز أرجع لزوجتي علشان بنتي بس والدتها تبعد عنّا.