معاناة أحد سكان عقار اللبان المنهار بالإسكندرية: مراتي ماتت ومش لاقي مكان أعيش فيه أنا وبناتي| بث مباشر

سيطرت حالة كبيرة من الحزن على شخص يدعى مجدي، وذلك بسبب وفاة زوجته التي لقيت مصرعها في انهيار عقار سكني، بمنطقة اللبان التابعة إلى محافظة الإسكندرية، إذ إنه فقد شريكة عمره وتشتت أسرته بعد انهيار منزلهم.

انهيار عقار سكني في اللبان بالإسكندرية

وقال مجدي، إن تفاصيل الحادث تعود عندما تلقى مكالمة هاتفية من أحد الجيران الذي أخبره أن المنزل ينهار، لافتًا إلى أنه حاول أن يتواصل مع زوجته على الفور للاطمئنان عليها ولكن لم يتمكن من ذلك.

وأردف: لما الجيران قالولي إن البيت بيقع اتصلت بمراتي بس الموبايل كان مقفول، وبعدها بنتي كلمتني ولقيتها بتعيط وبتقولي الحق يا بابا البيت وقع وماما فوق، بناتي مكانوش في البيت ومراتي بس اللي كانت موجودة لوحدها، روحت البيت بسرعة وأول ما شوفت المنظر مقدرتش أمسك نفسي.

وأضاف مجدي، أنه تم تكثيف الجهود من قبل قوات الحماية المدنية، حتى تم استخراج جثمان زوجته من أسفل الأنقاض بعد حوالي 6 ساعات.

واستكمل: مراتي كانت ضهري بتشتغل عشان تساعدني نجهز بناتنا، بناتي الاتنين عايشين بعيد عن حضني من بعد ما البيت وقع، ملناش سكن نعيش فيه وكل يوم بكلمهم وبنفضل نعيط، ومش عاوز غير سكن عشان أعيش مع بناتي لأن حالتنا صعبة.