نجل المسن المقتول على يد عامل في الدقهلية ينهار بالبكاء: أبويا كان بيعطف عليه| بث مباشر

شهدت قرية الوحدة العربية التابعة لمركز السنبلاوين بمحافظة الدقهلية، جريمة قتل بشعة بعدما أقدم شاب على قتل مسن داخل منزله بسبب السرقة، وإشعال النيران في جثمانه لإخفاء جريمته.

مقتل مسن على يد شاب في الدقهلية 

وكشف نجل الضحية تفاصيل الواقعة، قائلا: بشتغل في محافظة تانية ولقيت اتصال من ابني إن الأنبوبة انفجرت في جده.. وجيت جري لقيت الدنيا مقلوبة.. ورحت المركز انصدمت لما عرفت إنه اتقتل.

وأضاف: لقيت الشرطة قابضين على المتهم.. وقبلها كان واقف يعيط ويقول: يا جدو.. والمتهم كان قبلها اتعشى مع أبويا.. وبيشتغل مع أخويا على مكبس قش.. وأبويا كان قابض المعاش قبلها بيوم والمتهم طمع فيه وسرقه وقتله، وبعد ما قتله كان هيعمل كارثة في البيت وحاول يولع في 3 أنابيب.

وأعرب نجل الضحية، عن استنكاره ودهشته من العنف الكبير الذي انتهجه المتهم تجاه والده بالرغم من أنه كان يعطف عليه، قائلًا: معرفش ليه عمل في أبويا كدا.. أبويا كان عنده 85 سنة وراجل كبير ونهايته قربت.. ليه يعمل فيه كدا.