أشكر المرأة المصرية لأنها السبب في الصلح.. مرتضى منصور يكشف تفاصيل حضوره للمحكمة الاقتصادية لإنهاء التصالح مع الخطيب| بث مباشر

أنهى المستشار مرتضى منصور رئيس نادي الزمالك السابق، والمحامي محمد عثمان المستشار القانوني للنادي الأهلي، إجراءات التصالح بين الطرفين والتنازل عن كافة الدعاوى المقامة بين منصور والكابتن محمود الخطيب رئيس النادي الأهلي.

التصالح بين مرتضى منصور والخطيب 

وكشف المستشار مرتضى منصور تفاصيل التصالح قائلا: دي معركة بقلها 8 سنين وملهاش لازمة الصراحة.. وقلت قبل كدا أوعى تتخانق مع حد علشان حد.. وكابتن محمود الخطيب حضر أفراح أولادي كلهم، اللي فات انتهى واحنا أمام مرحلة جديدة.

وقدم مرتضى منصور الشكر للمرأة المصرية لأنها السبب في التصالح وإنهاء الأزمة، قائلا: خلال الفترة اللي فاتت كان فيه محاولات، وأشكر المرأة المصرية لأنها السبب في التصالح مع كابتن محمود الخطيب، وكنت راجع البيت لقيت زوجتي بتبكي وسألتها قالت لي: إنها شافت زوجة الكابتن محمود الخطيب.. وكانت بتتكلم عن حالته الصحية وإنه تعبان ولقيتها متأثرة جدا وقررت أنزل بوست أتمنى الشفاء له.

وأضاف: بعد كدا تدخل بعد كدا أحمد وأمير مع مهاب عثمان ومحمد الجارحي وهما أصحاب لإنهاء النزاعات.. وبعت المحامين في أول قضية لينا وقدمت تنازل عنها وحصل التصالح، وبقول لحسين لبيب إنت فرشت السجادة الحمرا في استقبال الخطيب، ليه عامل مشاكل دلوقتي.

من جانبه، علق المحامي محمد عثمان المستشار القانوني للنادي الأهلي والكابتن محمود الخطيب، عن إنهاء الأزمة قائلا: اليوم أسدل الستار عن هذه الخصومة القضائية والتي استمرت لسنوات.. وبدأت بمبادرة من المستشار مرتضى منصور ورد عليها كابتن الخطيب.. الحمد لله إن هذا الصراع القضائي انتهى اليوم بين الطرفين.