الطفل صاحب تريند البيع باللغة الإسبانية: اتعلمت الشغلانة من بابا.. ونفسي لما أكبر أفتح بزار | بث مباشر

ضجت مواقع التواصل الاجتماعي خلال الساعات القليلة الماضية، بمقطع فيديو ظهر خلاله بائع صغير في منطقة مصر القديمة، يتقن اللغة الإسبانية خلال بيع هدايا تذكارية لمجموعة من السياح أمام أحد المعالم التاريخية في مارجرجس، حيث حصل على إشادة كبيرة من المتابعين.

الطفل صاحب تريند البيع باللغة الإسبانية: بتكلم إسباني وبرتغالي وإنجليزي

وقال الطفل يوسف محمد، البالغ من العمر 14 عامًا، إنه بدأ بالعمل في هذا المجال منذ نحو عامين، لافتًا إلى أنه تعلم التحدث باللغة الإسبانية عن طريق والده.

وأضاف: والدي اللي علمني اللغة الإسبانية واتعلمتها بردوا من الشارع، بتكلم إسباني وبرتغالي وإنجليزي ومستني أكبر علشان أخد كورسات وأتعلم أكتر، وكل يوم بقف عند الدير في مارجرجس علشان أبيع للسياح.

وأوضح الطفل يوسف أن الفيديو المنتشر له مؤخرًا خلال البيع لبعض السياح باللغة الإسبانية التقطته له مرشدة سياحية، لافتًا إلى أن الفيديو انتشر بالصدفة ولم يتوقع تصدره تريند مواقع التواصل الاجتماعي.

واستكمل: أهم حاجة عندي أبسط السياح عشان يكونوا فرحانين، بقدر أوفق بين الشغل والدراسة بشتغل الصبح وبروح بالليل أذاكر، ونفسي لما أكبر أبقى زي بابا وأفتح بزار ليا لوحدي بجانب شغلي معاه.

ووجه الطفل يوسف نصيحة في نهاية حديثه قائلًا: بنصح كل اللي في سني يشتغلوا علشان لما يكبروا يبقوا حاجة كبيرة، لما الأب بيكبر في السن لازم إحنا يكون في إيدينا شغل نجيب فلوس منه.