أول تعليق من مي فاروق بعد رفض دعوى طليقها بضم حضانة أبنائها | بث مباشر
كشفت مصادر خاصة أن طليق المطربة مي فاروق رفع دعوى مؤخرًا بضم حضانة ابنه وابنته، عقب إعلان زواجها من الفنان محمد العمروسي، إلا أن الحكم صدر اليوم برفض هذه الدعوى لصالح مي فاروق.
رفض دعوى طليق مي فاروق بضم حضانة أبنائها
وكتبت المطربة مي فاروق، منشورًا عبر حسابها على موقع التواصل الاجتماعي فيس بوك، حيث أعربت خلاله عن سعادتها البالغة بعد رفض دعوى طليقها بضم حضانة أبنائها.
وقالت مي فاروق: عمر ثقتي في ربنا ما خيبت أبدًا ودايمًا ظني فيه إنه كريم وجميل وساندني، وعارف مين المؤذي ومين الصادق ومين اللي اتظلم وده اللي دايمًا بيحصل، ورضا أمي وأبويا عليا ودعواتهم ليا اللي دايمًا محوطاني، وثقتي في أن أنا مبظلمش حد أنا اللي بتظلم وبوكل أمري لله، وده قمة القوة اللي كتير قوي بيفتكروه ضعف بس عشان هما عندهم مشاكل.
وأضافت المطربة مي فاروق في منشورها: أنا مسنودة سندة ما يهزهاش بشر أبدًا، ربنا معايا ودعوات أمي وأبويا ورضاهم عليا مرافقيني العمر كله، وكمان في ضهري راجل محترم وأمين ثقتي فيه عمرها ما خابت، ربنا يخليك ليا ولأولادنا، وقانون بلدي وعدالة بلدي النزيهة وراجل محترم وقف معايا من أول الحكاية وثقتي فيه كانت كبيرة جدًا، المستشار القانوني ياسر قنطوش.
واستكملت: فاللهم لك الحمد على كل نعمك وكرمك وفضلك، وسندتك دايمًا علينا نعمة يارب ورد كيد الكائدين وحقد وغل كل واحد له، اللهم آمين وانصرني دايمًا كده وزيدهم كمان وكمان من اللي في قلوبهم وابعدهم عنا اللهم آمين.
