منظر مشوفتهوش في حياتي.. شاهدة عيان على انفجار جسم غريب داخل مخزن خردة بالدقهلية| بث مباشر
روت شاهدة عيان على حادث انفجار جسم غريب داخل مخرن خردة بقرية أبو زاهر في مركز شربين التابع لمحافظة الدقهلية، تفاصيل الحادث الأليم الذي تسبب في مصرع 3 أشخاص وإصابة 3 آخرين.
انفجار مخزن خردة بالدقهلية
وأضافت شاهدة العيان: سمعت صوت العمال وبصيت من البلكونة لقيت نار بتخرج من حاجة شبه الأنبوبة.. والعمال جابوا ماية وكل لما يحاولوا يطفوا النيران تعلى.. لحد ما جابوا حاجة مبلولة وحطوها عليها وهديت.
وأكملت شاهدة العيان: بعدها كان بيخرج دخان أبيض.. وسمعتهم بيقولوا لبعض دي قنبلة وممكن تفرقع فينا؟.. ولما اتطمنت إنهم طفوا الحريق دخلت ولسه بقعد سمعت انفجار بصوت رهيب.
واستكملت: خرجت أبص من البلكونة مشوفتش بيوت من الدخان وكمية صويت عالي.. وزجاج الشبابيك والجدران في بيتنا اتكسرت بسبب قوة الانفجار.. ولما خرجت لقيت الجثث وكان منظر مشوفتهوش في حياتي.
